مساء الصبح الجميل .. مدري صباح الليل وجلّاسه ...! مدري رمضان سعيد .. مدري عيد كريم
> احلى مدخل للموضوع
سمعتوا بال INTRODUCTION ..! > غصب يعرف انقليزي
يعني مقدمة الموضوع ,,
ترى اول سطر بالموضوع هو المقدمة للموضوع
اليوم ناوي افضفض لكم عن مشكلة عندي للاسف
بس والي يرحم والديكم لا حد يعلم علي ..!
> وجه حزين جدا
انا ..!
انا مدمن ..!
:(
لا تخافون لا تحسبونها مقلب .. لا تنتظرون مني جملة تحت اقول فيها اني مدمن قهوة ولا بلوت ولا خرابيط ثانية
لا .. لا .. انا فعلا مدمن ..!
للاسف طبعا .. مو فخر اني اقولها .. ولكن حبيت اني اصارحكم يمكن القى لنفسي حل .. ويمكن يدخل يوم من الايام واحد مدمن على الفجرية والا الصباح ويقرا الموضوع ويلقى حل ..!
تخّيل انك .. مسوي زحمة في سوبر ماركت كبيرة و حاشر ام الهنود في زاوية وتقول طلعوا فلوسي ..!
تخّيل انك .. انك تدخل اختبار مادة احياء ويجيك سؤال يقول السمك من اي انواع الحيونات وتختار الزواحف .!
تخّيل انك .. تلقط عجوزاً ما وتسلم عليها وتقول كيف حالك ياخاله .. وهي ماتقرب لم ام ام ام سابع جد ابو خال امك .. لا من قريب ولا بعيد
من جد .. فآقد ..!
حاولت اصارح نفسي واجلس معها .. طفيت النور .. وجبت عدد 4 شمعات رومنسية .. وولعتها بكبريت ( شخاط ) ..>> عاش الرومنسي
وحاولت استفرد بنفسي العزيزة .. لكن بنت الذين ماتعطي وجه :(
يعني بالله تخيل تجيك امك الصبح وترسلك للبقالة .. لافت .. رح للسوبر ماركت وهات لنا صامولي و حليب و الخ .. واطمر مثل الذيب .. واجمع كل المقاضي .. وشوي .. تحدث الفصله .. يوقف المخ عن التفكير .. تدخل عالم ثاني .. وكل هذا لاني مدمن واكلم الهنود وين الفلوس .. انا كانت معي مية ريال وينها .. طلعوها بسرعه .. والمساكين ياخذون نص ساعة لف في البقالة يدورون الفلوس .. وانا رحت للسيارة اشوف وين راحت الدراهم .. ومدري وش اقول للوالدة .. اقول الفلوس ضاعت والا هي ضاعت من نفسها انا مالي خص .. لا تستبعدون وقتها اني اقولها .. المهم بعد نزول الوحي علي .. راحت الفصله ورجع المخ يعمل ولله الحمد والمنه .. تذكرت ان الفلوس الي عطتنياها امي حطيتها في البوك ( المحفظة ) حقتي >> وجه مستحي بريئ ..
للاسف .. اني مدمن ..! .. وكان هذا الشي فوق سيطرتي
عندك اختبار في مادة الاحياء الي تكرها .. ويجيك سؤال وصف طريقة تكاثر البرامسيوم .. وتسرد ام الجواب كامل بالحرف الواحد من الكتاب ... وتنزل تحت للسؤال الي بعده الي هو كان للاسف اختيارات .
. السمك يعتبر من طائفة الحيوانات :
البرمائية الزاحفة المائية
وتختار بكل براءة الحيوانات الزاحفة
لاحد يناظر فيني كذا .. والله اني عارف انها مائية .. لكن تعرفون وش السبب .. للاسف
تخيل انك في الديرة .. ورايح بجدتك للمستشفى .. وانت بالمستشفى وتمشي شوي شوي مع جدتك متجهين للدكتور .. فجأة تدخل عليكم امراه في الخمسينات تقريبا عاكسه الطريق وتكبس بالنور العالي .. ام فلان .. ام فلان ..تنادي جدتي .. اهليييين .. واحلى سوالف في نص الممر وراح الوجع وراح الالم .. وشوي تنادي جدتي .. لافت .. لافت .. تعال سلم على خالتك ام فلان .. واجي بكل براءة للاسف .. واحب راسها .. وانا مدري من الكائن الذي يكمن خلف الرقع السوداء .. وشوي الا اشوف العيون مبققة علي ( العيون مفتوحه باقصى مايمكن ويناظرون فيني ) .. وقتها عرفت اني جبت ام العيد واحلى تصريفه من عندي على الطاير لتدارك الامر .. خاله وش اخبار عبدالله .. عساه بخير .. واحلى تعزيز من جدتي .. وانا امك انت غلطان هذي مو خالتك ام عبدالله .. هذي وحده ماتعرفها .. وانا بقلبي اصرررررررررررررررررررررررررررررخ بقهررر ليييييييييييييه تقووولين تعال سلللللم على خااااااالتك ..!
السوالف الي ذكرتها لكم فوق حصلت لي .. للاسف ,, والسبب للاسف .. لاني وقتها .. كنت في غيبوبه تامه .. كنت فاقد ..!
وعاد ليتني اتوب .. ماقدر .. لاني مدمن من جد ..!
عاد تدرون ..!
انا كاتب لكم الموضوع هذا الحين وانا في حالتي الي قلتها لكم .. عرفتوا نوع الادمان الي عندي ..!
وحتى الموضوع الي راح كتبته الساعه 8 الصبح ,, وانا في حالتي .. الادمااان
المشكلة عندي دوام الساعة 9 الصبح اليوم .. ولا انتهيت من حاله الادمان ..
على فكره ,, اذا مافهمت وش اقصد من الادمان ..ادخل على البروفايل حقي واقرا .. الاهتمامات .. وراح تعرف وش اقصد .. واذا ماعرفت رووح انتحر ..!
http://www.blogger.com/profile/04434967723361183793
تحياتي ..
لآفت نظر
